Ukrayna ordusuna əmr: "Trampın andiçməsinə qədər..."
Ukrayna qüvvələri Rusiyanın Kursk regionunda, 2025-ci ilin yanvarın 20-də Donald Trampın andiçməsinə qədər mövqelərini qorumaq barədə təlimat alıb.
Crossmedia.az BBC-yə istinadla xəbər verir ki, onların əsas vəzifəsi Trampın andiçmə mərasiminə və danışıqlara qədər mümkün qədər çox ərazi tutmaqdır.
Həmçinin, Ukrayna Prezidenti Volodimir Zelenski Rusiya Prezidenti Vladimir Putinin yanvarın sonuna qədər Kursk bölgəsindən Ukrayna qüvvələrini çıxarmaq niyyətində olduğunu bildirib.
Qeyd edək ki, Ukrayna noyabrın sonunda Kursk vilayətindəki ərazisinin 40%-ni itirib və yalnız 800 kv.km (308 kv. mil) qalıb. ABŞ-nin yeni seçilmiş prezidenti Donald Tramp Ukrayna müharibəsini tez bir zamanda sona çatdırmaq üçün atəşkəs razılaşmasına vasitəçilik etməyi planlaşdırır.
Nəzrin Salmanova
07:38 04.12.2024
Oxunuş sayı: 30668
