Xarici xəbərlər

İranda PJAK üzvlərinin həbsi: Təxribat ittihamı irəli sürülüb

İran hakimiyyəti Kürdüstan Azad Həyat Partiyasının (PJAK) 11 üzvü olduğu iddia edilən şəxsləri təxribat və ictimai təhlükəsizliyə təhdid planlaşdırmaqda ittiham edərək həbs edib.

Crossmedia.az xarici KİV-ə istinadən xəbər verir ki, saxlanılan şəxslərin PJAK üzvləri ilə birbaşa əlaqədə olduqları və planlaşdırdıqları fəaliyyətləri həyata keçirməzdən əvvəl SEPAH tərəfindən müəyyən edilərək tutulduqları bildirilir.

Məlumata görə, 2004-cü ildən İranın şimal-qərb bölgələrində rejimə qarşı silahlı mübarizə aparan PJAK-ın əsas bazaları qonşu İraq Kürdüstanında yerləşir.

İran tərəfi həbslərin ölkədə təhlükəsizliyin qorunması məqsədi daşıdığını vurğulayıb.

Türkan Kərimli

🖨 Çap et

13:20 08.02.2026

Oxunuş sayı: 363