Xarici xəbərlər

İranlı deputatdan sərt xəbərdarlıq: ABŞ ilə əlaqəli istənilən hədəf vurula bilər

İran parlamentinin üzvü Seyyid Mahmud Nəbəvian ABŞ-lə bağlı diqqətçəkən açıqlama verib.

Crossmedia.az xarici KİV-ə istinadən xəbər verir ki, onun sözlərinə görə, ABŞ prezidenti Donald Tramp üçüncü ölkə vasitəsilə İrana mesaj göndərərək, ölkə ərazisində iki hədəfə zərbə endirməyə “icazə” verilməsi təklifini irəli sürüb.

Nəbəvianın sözlərinə görə, Tehran bu təklifə qəti və sərt cavab verib. Deputat qeyd edib ki, İran tərəfi ABŞ-yə açıq şəkildə xəbərdarlıq edərək, ən kiçik bir səhvin belə ciddi nəticələrə səbəb olacağını bildirib.

Parlament üzvü əlavə edib ki, yaranmış vəziyyətlə əlaqədar olaraq İranın xarici işlər nazirinə region ölkələrinin xarici işlər nazirləri ilə təcili əlaqə saxlamaq tapşırılıb.

Onun sözlərinə görə, rəsmi mövqe açıq şəkildə çatdırılıb: ABŞ-nin adı ilə əlaqəli olan, yaxud Amerikanın mövcud olduğu istənilən şirkətə və ya hərbi obyektə zərbə endirilə bilər.

🖨 Çap et

13:00 08.02.2026

Oxunuş sayı: 334