Rusiyanın sualtı qayığı Yaponiya ərazisində görünüb
Rusiyanın Kilo sinifli sualtı qayığı Yaponiyanın Tayvanın şərqindəki ən qərb ərazisi olan Yonaquni adasından cəmi 50 kilometr (31 mil) cənubda görünüb.
Crossmedia.az Yaponiya Birləşmiş Qərargahı-na istinadən məlumat verir ki, Yaponiya ordusu çərşənbə axşamı Tayvan yaxınlığındakı cənub-qərb ada sahillərində Rusiya sualtı qayığını gördükdən sonra müşahidə təyyarəsi və donanma gəmisini göndərib.
Rusiya donanmasının gəmisinin müşayiəti ilə sualtı qayıq Yonaquni ilə yaxınlıqdakı İriomote adası arasında şimal-şərq istiqamətində hərəkət edib. Bu, həmin sularda Rusiyaya məxsus sualtı qayığın ilk müşahidəsi olub. Rusiyanın bu tipli gəmiləri nüvə başlığı daşıyır. Rusiya Yaponiya ərazi sularına daxil olmayıb, lakin onun çox yaxınlığında görünüb.
17:19 03.12.2024
Oxunuş sayı: 6270
