Ukrayna ilə Rusiya arasında sülh danışıqlarında avropalı müttəfiqlər iştirak edə bilər
Böyük Britaniya və Fransa cəbhə xəttində atəşkəslə bağlı razılıq əldə olunarsa, Ukraynaya qoşun yeritmək imkanını nəzərdən keçirir.
Crossmedia.az məlumat verir ki, bu barədə NATO-nun yüksək rütbəli rəsmisi “Azadlıq” radiosuna bildirib.
Məlumata görə, söhbət danışıqlar nəticəsində əldə oluna biləcək atəşkəsə nəzarət etmək üçün demarkasiya xəttinə hərbi qulluqçuların yerləşdirilməsindən gedir. Müzakirə NATO deyil, ayrı-ayrı paytaxtlar səviyyəsində gedir.
Həmçinin “Azadlıq” radiosuna müsahibə verən həmsöhbət Donald Tramp administrasiyasının vasitəçiliyi ilə Ukrayna və Rusiya arasında sülh danışıqlarında avropalı müttəfiqlərin iştirakını təmin etmək üçün konkret dəstək variantlarının hazırlanmasını da zəruri hesab edib.
16:16 03.12.2024
Oxunuş sayı: 9718
