Finlandiya və İsveç arasında internet kabeli zədələnib
Finlandiyada ölkəni İsveçlə birləşdirən internet kabelinin zədələnməsi aşkarlanıb.
Crossmedia.az xarici KİV-ə istinadən məlumat verir ki, zərər Finlandiyada quruda baş verib və cinayətin nəticəsi ola bilər. Bu barədə İsveçin SVT teleradio şirkəti də məlumat yayıb.
Finlandiyanın Nəqliyyat və Rabitə naziri Lulu Ranne deyib ki, səlahiyyətlilər hadisəni araşdırmaq üçün şirkətlə işləyirlər. Rəqəmsal infrastruktur provayderi Globalconnect artıq biri Espooda, digəri isə Vihtidə baş vermiş zərərin təmiri üzərində işləyir. Hazırda bir nöqsan aradan qaldırılıb, ikincisi təmir olunur.
Qeyd edək ki, zərər Finlandiyada 6000-ə yaxın ev təsərrüfatını və yüzlərlə korporativ müştərini müvəqqəti olaraq internetsiz qoyub. Xatırladaq ki, noyabrda oxşar hadisələr Finlandiya, Almaniya, Litva və İsveç arasında sualtı kabellərin zədələndiyi Baltik dənizində də baş vermişdi.
Gültac Mehdizadə
12:50 03.12.2024
Oxunuş sayı: 6324
