İranın xarici işlər naziri Abbas Əraqçı ABŞ ilə artan gərginlik fonunda regional diplomatik fəaliyyətini davam etdirir.
Crossmedia.az bu barədə xarici mediaya istinadən xəbər verir.
Məlumata görə, Əraqçı Misirin xarici işlər naziri Bədr Əbdülati, Səudiyyə Ərəbistanının xarici işlər naziri Feysəl bin Fərhan Al Saud və Türkiyənin xarici işlər naziri Hakan Fidanla ayrı-ayrılıqda telefon danışıqları aparıb.
Telefon danışıqları zamanı Yaxın Şərqdə baş verən son proseslər, regional təhlükəsizlik məsələləri və beynəlxalq səviyyədəki aktual inkişaflar müzakirə olunub. Tərəflər qarşılıqlı maraq doğuran mövzular ətrafında fikir mübadiləsi apararaq mövcud vəziyyətlə bağlı mövqelərini bölüşüblər.
Qeyd olunur ki, bu təmaslar Tehran–Vaşinqton xəttində gərginliyin artdığı bir dövrdə İranın region ölkələri ilə diplomatik koordinasiyanı gücləndirmək cəhdlərinin tərkib hissəsi kimi qiymətləndirilir.
