Polis artıq dözə bilmir: Fransada ölkə miqyasında etiraz dalğası
Fransada ədalətsiz iş şəraitinə və artan cinayətkarlığa etiraz olaraq keçirilən polis və jandarma əməkdaşlarının ölkə miqyasında keçirilən nümayişində 45 mindən çox insan iştirak edib.
Crossmedia.az "Le Figaro" qəzetinə istinadən xəbər verir.
Parisdə təxminən 20 min insan küçələrə çıxıb. Lion və Marseldə təxminən 5 min nəfər iştirak edib.
Lill və Nitsa şəhərlərində 1000-dən çox, Nim və Qrenoblda isə hər birində 1000 nəfər toplaşıb.
Qəzet "Oyan, Fransa" partiyasının lideri Nikolas Düpon-Eynanın sözlərini sitat gətirib: "Polis əməkdaşlarımız artıq buna dözə bilmirlər; sürətlə artan cinayətkarlıq qarşısında sarsılıblar və acizdirlər."
Onun sözlərinə görə, Fransada ədliyyə sistemi səmərəsizdir, cinayətkarlar daim azadlığa buraxılır. "Polis əlindən gələni edir, amma eyni şəxsi əlli dəfə həbs etməyə məcburdurlar"- Düpon-Eynyan deyib.
Fransanın daxili işlər naziri Loran Nunyes etiraz edən polis əməkdaşlarını dəstəkləsə də, nümayişdə iştirak etməkdən imtina edib. Bu qərar Alyans həmkarlar ittifaqı və hüquq-mühafizə orqanlarının əməkdaşları tərəfindən narazılıqla qarşılanıb və onlar bunu ciddi səhv hesab ediblər.
21:25 31.01.2026
Oxunuş sayı: 572
