İran ordusunun komandiri: Rusiyadan daha çox döyüş təcrübəmiz var
İran Ordusunun baş komandiri Əmir Hatəmi ölkənin yüksək döyüş və müdafiə hazırlığında olduğunu bəyan edib.
Crossmedia.az xəbər verir ki, Hatəmi bölgədəki prosesləri diqqətlə izlədiklərini və mümkün təhlükələrə qarşı tam hazır olduqlarını bildirib. Onun sözlərinə görə, İran ordusu düşmən fəaliyyətlərindən xəbərdardır və “barmağı tətiyin üzərindədir”.
Hatəmi həmçinin döyüş təcrübəsi ilə bağlı mübahisəli açıqlama verərək qeyd edib ki, “NATO ölkələri ilə üç ildən artıqdır münaqişədə olan Rusiya belə İranın son 12 gündə qazandığı praktiki təcrübəyə malik deyil”.
İranlı komandan ölkənin müdafiə qabiliyyətinin sürətlə gücləndirildiyini vurğulayıb və təhdidlərə qarşı lazımi cavabın veriləcəyini bildirib.
Türkan Kərimli
19:06 31.01.2026
Oxunuş sayı: 1002
