Roqun SES-dən qonşu ölkələrə enerji ixracı
Tacikistanın Roqun Su Elektrik Stansiyası (SES) qonşu ölkələrə enerji təchizatını təmin edəcək.
Crossmedia.az xəbər verir ki, bu barədə İslam İnkişaf Bankının prezidenti Məhəmməd Əl-Casir Riyadda keçirilən 28-ci Beynəlxalq İnvestisiya konfransında məlumat verib.
"Bir ay əvvəl Roqun bəndini qismən maliyyələşdirmək üçün 150 milyon dollar məbləğində kredit imzaladıq. Bu, böyük bir layihədir. Pakistanla bağlı başqa bir layihəmiz də var " ,– deyə o vurğulayıb.
Qeyd edək ki, stansiyanın tikilmə məqsədi enerji istehsal etmək, suyun axışını tənzimləmək və sel və quraqlıq risklərini azaltmaqdır. Bu, 335 metr hündürlüyü ilə dünyanın ən yüksək bəndi olacaq. Tacikistan bununla öz enerji ehtiyaclarını qarşılayıb, qonşu ölkələrə elektrik ixrac etməyi və bərpa olunan enerji istifadəsini artırmağı planlaşdırır.
Nəzrin Salmanova
18:41 02.12.2024
Oxunuş sayı: 38581
