Donbas əsas maneədir -Marko Rubio
ABŞ dövlət katibi Marko Rubio Ukrayna ilə Rusiya arasında aparılan danışıqlarda əsas fikir ayrılığının Donbasın taleyi olduğunu bildirib. Onun sözlərinə görə, tərəflər indiyə qədər müzakirə mövzularının sayını azaldaraq bir mərkəzi məsələyə – Donbasın statusuna fokuslana biliblər.
Crossmedia.az bu barədə xarici KİV-ə istinadən xəbər verir.
Rubio qeyd edib ki, bu irəliləyişə baxmayaraq, sözügedən problemin həlli son dərəcə çətin olacaq. “Bu, hələ də keçməli olduğumuz bir körpüdür. Ortada ciddi boşluq qalır. Amma ən azı məsələləri bir əsas problemə qədər daralda bilmişik və bu da, yəqin ki, çox mürəkkəb olacaq”, – deyə ABŞ dövlət katibi vurğulayıb.
Onun açıqlaması Vaşinqtonun münaqişənin diplomatik yolla həllinə cəhdləri fonunda səslənib. ABŞ rəsmiləri hesab edir ki, Donbasın gələcək statusu ilə bağlı razılaşma əldə olunmadan Ukrayna-Rusiya müharibəsinin dayandırılması real görünmür.
11:51 29.01.2026
Oxunuş sayı: 484
