Macarıstan rəsmisi Moskvaya səfər edib
Macarıstanın xarici işlər naziri Peter Siyarto Rusiya-Ukrayna münaqişəsinin həlli ilə bağlı Budapeştin sülh təşəbbüsü çərçivəsində Moskvaya gəlib.
Crossmedia.az xarici mətbuata istinadla xəbər verir ki, o rusiyalı həmkarı Sergey Lavrovla görüş keçirib.
“Mən yenidən Macarıstanın sülh missiyası çərçivəsində gəlmişəm. Son vaxtlar təhlükəli və məsuliyyətsiz qərarlar səbəbindən münaqişənin əvvəlindən eskalasiya riski ən yüksək həddədir. Macarıstan sülhün bərqərar olması üçün səylərə diqqət yetirmək lazım olduğunu hesab edir”,- deyə o bildirib.
Həmçinin, o, münaqişənin həll yolunun yalnız danışıqlar masası arxasında tapıla biləcəyini də vurğulayıb.
Nəzrin Salmanova
16:52 02.12.2024
Oxunuş sayı: 26337
