Türkiyədə partiya sədrindən Ərdoğana Öcalan çağırışı: "Gücün çatırsa,..."
Türkiyənin İYİ partiyasının sədri Müsavat Dərvişoğlu Milliyyətçi Hərəkat Partiyasının rəhbəri Dövlət Baxçalının PKK terror təşkilatının lideri Abdullah Öcalanla bağlı etdiyi çağırışa münasibət bildirib.
Crossmedia.az TGRT Haber-ə istinadən xəbər verir ki, çağırışla bağlı Türkiyə Prezidenti Rəcəb Tayyib Ərdoğana sələnən Dərvişoğlu "Gücün çatırsa, Rəcəb Tayyib Ərdoğan, sənin səlahiyyətin var, Abdullah Öcalanı istədiyin zaman əfv edə bilərsən" deyib. O, eyni zamanda Türkiyə Böyük Millət Məclisində ümumi əfvin keçirilməsinə qarşı çıxacaqlarını söyləyib.
"Bu əfvin keçirilməsinə icazə verilməsi Fətullah Gülənin terror təşkilatına sadiq olanları, narkotik qaçaqmalçılarını və digərlərini həbsxanalardan azad edəcək. Əgər, bu əfv planı düşüncədən əmələ çevrilərsə, Sinan Ateşin qatilləri və onların tərəfdarları da azadlığa buraxılacaq. Biz bu təzyiqə qətiyyən boyun əyməyəcəyik və planın həyata keçirilməsinə heç bir halda icazə verməyəcəyik" deyə Dərvişoğlu vurğulayıb.
Xatırladaq ki, D.Baxçalı A.Öcalanın parlamentə gələrək burada PKK-nın buraxılmasını elan etməsini təklif edib. MHP lideri bu addımdan sonra qanunvericilikdəki “Umut hakkı” layihəsi qüvvəyə minərsə, Öcalanın bundan yararlana biləcəyini önə çəkib.
Fatimə Məmmədova
12:36 02.12.2024
Oxunuş sayı: 4550
