İngiltərədən Suriyadakı vəziyyətlə bağlı BƏYANAT
İngiltərə Xarici İşlər Nazirliyi Suriyada son hadisələr fonunda bütün tərəfləri zorakılığın və insanların məcburi köçkünlüyünün qarşısını almağa çağırıb.
Crossmedia.az xəbər verir ki, bəyanatda mülki əhalinin qorunmasının və zəruri humanitar yardımın dayanmaması üçün infrastrukturun mühafizəsinin əhəmiyyəti vurğulanıb.
“Biz münaqişənin Suriya hökümətinin rəhbərliyi altında siyasi həllinə çağırışımızı təkrar edirik. Bəşər Əsəd rejimi siyasi proseslərə qoşulmaqdan davamlı imtina etməsi, Rusiya və İrana arxalanması ilə hazırkı eskalasiyaya şərait yaradıb” - bəyanatda deyilir.
Nazirlik, eyni zamanda, Suriya rejimini və münaqişənin digər tərəflərini BMT Təhlükəsizlik Şurasının 2254 saylı qətnaməsi çərçivəsində danışıqlara qoşulmağa və bu prosesi dəstəkləməyə çağırıb.
Tərlan Əmrahova
11:35 02.12.2024
Oxunuş sayı: 5390
