Dünyanın ən çox istifadə edilən mesajlaşma tətbiqindən bəd xəbər
Dünyada açıq ara ən çox istifadə edilən mesajlaşma tətbiqi olan "WhatsApp"dan heç də xoş olmayan xəbərlər gəldi. Mütəmadi olaraq köhnə telefon və əməliyyat sistemlərinə dəstəyini kəsən "WhatsApp"ın əsas şirkəti "Meta" 2025-ci ildə dəstəyini dayandıracağı telefon modellərini rəsmi olaraq açıqladı.
"WhatsApp"ın bu qərarının arxasında bir neçə əsas səbəb dayanır. İlk növbədə, tətbiqin yeni xüsusiyyətləri və təhlükəsizlik protokolları köhnə cihazların texnoloji infrastrukturu ilə artıq uyğunlaşmır. Bundan əlavə, köhnə əməliyyat sistemlərinə təhlükəsizlik yeniləmələrinin artıq təmin edilməməsi tətbiqin sabit işləməsini çətinləşdirir.
Dəstəyi dayandırılacaq cihazlar arasında iPhone 5, iPhone 6, Galaxy Note 3 və Galaxy S4 kimi modellər yer alır. Bununla yanaşı, Huawei"nin Ascend P6 S və LG"nin Optimus seriyası da bu siyahıya daxildir. Tətbiqin inkişaf etmiş funksiyalarının köhnə cihazlarda artıq problemsiz çalışmaması bu qərarın əsas səbəblərindən biri kimi göstərilir.
Dəstəyi dayandırılacaq cihazların tam siyahısı:
Apple:
iPhone 5
iPhone 5C
iPhone 6 seriyası
Samsung:
Galaxy Ace Plus
Galaxy Note 3 seriyası
Galaxy S4 Mini
Huawei:
Ascend P6 S
Huawei GX1S
LG:
Optimus 4X HD
Optimus G
Motorola:
Moto G
Moto X
"WhatsApp"ın yeni qərarı milyonlarla istifadəçini köhnə cihazlarını yeniləməyə vadar edə bilər. Texnoloji inkişaflar və təhlükəsizlik standartlarının artırılması fonunda belə qərarların qaçılmaz olduğu qeyd edilir.
Emil Nağızadə
11:17 02.12.2024
Oxunuş sayı: 7796
