Terrorçular Hələbdə rabitə mərkəzlərini dağıdıblar
Suriya hakimiyyəti terrorçuların Hələbdə bir neçə rabitə mərkəzini dağıtmasından sonra rabitə və internet xidmətinin bərpası üçün işlər aparır.
Crossmedia.az TASS-a istinadən xəbər verir ki, rabitə və texnologiyalar naziri İyad Məhəmməd əl-Xətib avadanlığın qorunması və sabit rabitənin təmin edilməsi üçün yerli hakimiyyətlə əməkdaşlıq etdiklərini bildirib. Lakin enerji resurslarının çatışmazlığı təmir işlərini çətinləşdirir.
Eyni zamanda, hökumət Hələb və İdlibdən təxliyə olunan sakinlərə yardım göstərməyə davam edir.
Noyabrın 28-də Suriya ordusu “Cəbhət ən-Nusra” terrorçularının şimal bölgələrə genişmiqyaslı hücumunu dəf edib və əks hücuma hazırlaşır.
Gültac Mehdizadə
06:23 02.12.2024
Oxunuş sayı: 6973
