Komadakı qadının orqanlarını almaq istədilər: Həkimlər son anda müdaxilə etdi
ABŞ–də orqan bağışlama təşkilatının komada olan bir xəstənin orqanlarını almaq üçün həkimlərə təzyiq göstərdiyi ortaya çıxıb.
Hadisə Nyu-Meksika ştatında baş verib. Məlumata görə, Danella Gallegos adlı qadının orqanları götürülmək üzrə idi, lakin o, hələ də həyat əlamətləri göstərirdi.
Buna baxmayaraq, orqan koordinatorları həkimlərə əməliyyata davam etmələri üçün təlimat vermişdi.
Xoşbəxtlikdən həkimlər bu əmri yerinə yetirməyib, xəstəni əməliyyatxanadan çıxarıblar və Gallegos daha sonra sağalıb.
Qeyd edək ki, 38 yaşlı Danella Gallegos 2022-ci ildə koma vəziyyətinə düşərək müalicə alıb. Həkimlər ailəsinə onun sağalma şansının olmadığını bildirərək orqanlarının bağışlanması üçün razılıq istəmişdi.
Əməliyyata hazırlıq zamanı Qallegosun bacısı onun əlini tutanda xəstənin hərəkət etdiyini görüb və bu, həkimlərdə də təəccüb doğurub.
Məlumata görə, əməliyyatxanadakı orqan koordinatoru həkimlərə Gallegosun əməliyyata davam etdirilməsini təlimatını verib. Lakin həkimlər buna etiraz edərək xəstəni əməliyyatxanadan çıxarıblar. Bu müdaxilə nəticəsində Gallegos sağ qalıb və müalicə bitdikdən sonra özünü çox şanslı hiss etdiyini bildirib:
"Komada olarkən qorxu hiss etdim, amma başqa bir şey yadımda deyil. Hadisələrin fərqli nəticələnəcəyini düşünmək belə qorxuncdur", - deyə Qallegos açıqlayıb.
Hospital əməkdaşları orqan bağışlama təşkilatının tibb prosesinə müdaxilə etdiyini və təzyiq göstərdiyini bildiriblər. Həmçinin tibb bacısı qeyd edib ki, “təşkilatın tək məqsədi orqanlara çatmaq idi və çox aqressiv davrandılar. Bu, mədə bulandırıcıdır".
Hadisə orqan bağışlama sektorunda yenidən etik müzakirələri gündəmə gətirib. Xüsusilə “beyin ölümü sonrası bağışlama” prosedurlarında xəstələrin tam ölmədiyi halda orqanlarının alındığı iddiaları diqqət çəkir.
Qeyd edək ki, ABŞ-da keçən il həyata keçirilən orqan köçürmələrinin üçdə biri bu üsulla edilib.
Fatimə Məmmədova
21:13 21.01.2026
Oxunuş sayı: 923
