Xarici xəbərlər

Ukrayna XİN başçısı: Müharibə mümkün qədər tez başa çatmalıdır

Rusiyanın gecə boyu davam edən kütləvi tətilindən sonra Kiyevdə minlərlə evin -15°C temperaturda istilik sistemi yoxdur. Hərbi cinayətkar Putin (Red: Kreml rəhbəri Vladimir Putin) qadınlara, uşaqlara və yaşlılara qarşı soyqırım müharibəsi aparmağa davam edir.

Crossmedia.az xəbər verir ki, bunu Ukrayna xarici işlər naziri Andrey Sbiqa "X"də yazıb.

O bildirib ki, Kiyev, Vinnitsa, Dnepr, Odessa, Zaporojye, Poltava, Sumı və digər bölgələrə edilən hücumlar mülki şəxslərin itkisinə və enerji infrastrukturuna ziyan vurub: "Ukrayna xalqının dözümlülüyü bu müharibənin davam etməsi üçün bəhanə ola bilməz. O, mümkün qədər tez başa çatmalıdır. Putinin bu səhərki barbar tətili Davosda toplaşan dünya liderləri üçün bir oyanış siqnalıdır: Ukrayna xalqına dəstək təcilidir; Ukrayna üçün davamlı sülh olmadan Avropada sülh olmayacaq; sülhə yalnız güc yolu ilə nail olmaq olar; təcili əlavə enerji yardımına, hava hücumundan müdafiə və tutucu qurğulara, eləcə də Moskvaya sanksiya təzyiqinə ehtiyacımız var".

🖨 Çap et

12:22 20.01.2026

Oxunuş sayı: 1246