Avropa təslim olacaq, Qrenlandiya ABŞ-ın nəzarətinə keçəcək- Rusiya rəsmisi
Rusiya Prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyev “X” hesabında yazıb ki, Avropa təzyiqə təslim olacaq və Qrenlandiya ABŞ-ın nəzarətinə keçəcək. Dmitriyev qeyd edib ki, bu halda transatlantik birlik bəlkə də müəyyən dərəcədə bərpa oluna bilər.
Dmitriyevin paylaşımı ABŞ-ın Qrenlandiya ilə bağlı təzyiq siyasəti fonunda gəlir. ABŞ Prezidenti Donald Tramp yanvarın 17-də Truth Social platformasında bildirib ki, Vaşinqton Böyük Britaniya, Almaniya, Danimarka, Niderland, Norveç, Finlandiya, Fransa və İsveçə qarşı 10% tarif tətbiq edəcək. O, Qrenlandiyanın tam şəkildə satın alınması barədə razılığa gələnə qədər bu tariflərin qüvvədə qalacağını vurğulayıb.
Bu açıqlama transatlantik münasibətlərdəki gərginliyi və ticarət-siyasi təzyiqin yeni mərhələyə keçdiyini göstərir.
23:28 18.01.2026
Oxunuş sayı: 1095
