İranın Rusiyadakı səfiri erməni həmkarı ilə görüşüb
Dünən İranın Moskvadakı səfiri Kazım Cəlali Ermənistanın Rusiyaya yeni təyin olunan səfiri Qurgen Arsenyan ilə görüşüb.
Crossmedia.az xarici KİV-ə istinadən xəbər verir ki, görüşdə bölgədəki son proseslər, Qafqaz məsələləri, “3+3” əməkdaşlıq formatı, eləcə də regionda nəqliyyat və logistika dəhlizlərinin inkişafı müzakirə edilib.
Tehran və İrəvan arasındakı sıx əlaqələrə toxunan iranlı səfir, ölkəsinin Moskvadakı səfirliyinin Ermənistan səfirliyi ilə əməkdaşlığı möhkəmləndirməyə hazır olduğunu vurğulayıb.
Qeyd edək ki, Arsenyan “iki qonşu və dost ölkə” arasında münasibətləri yüksək səviyyədə qiymətləndirib. O, ticarət və Avrasiya İqtisadi İttifaqı sahəsində, eləcə də regional məsələlərdə səfirliklər arasında ikitərəfli əməkdaşlığın koordinasiyasının zəruriliyinə diqqət çəkib.
13:48 29.11.2024
Oxunuş sayı: 4745
