Rusiya Avropada təxribat planlayır - İDDİA
Britaniyanın MI6 məxfi kəşfiyyat xidməti Rusiyanın Avropadakı təxribat kampaniyası haqqında məlumat yayıb.
Crossmedia.az xarici KİV-ə əsasən xəbər verir ki, xidmətin rəhbəri Riçard Mur bildirib ki, bu kampaniya Böyük Britaniya, Fransa və digər Avropa ölkələri də daxil olmaqla bütün qitənin təhlükəsizliyini təhdid edir.
Mur Rusiyanın hərəkətlərinin ümumAvropa təhlükəsizliyinə təhlükə yaratdığını vurğulayaraq, onları “heyrətləndirici dərəcədə ehtiyatsızlıq” adlandırıb.
Qeyd edək ki, bundan əvvəl Rusiya Xarici Kəşfiyyat Xidmətinin direktoru Sergey Narışkin Anglo-Sakson kəşfiyyat xidmətlərini “Şimal axını” və “Şimal axını 2” qaz kəmərlərinə zərbə vurmaqda ittiham edərək, onların Avrasiyanı parçalamaq və təsirlərini gücləndirmək niyyətində olduqlarını iddia etmişdi.
Gültac Mehdizadə
12:42 29.11.2024
Oxunuş sayı: 15052
