Niderlandda antisemitizmə qarşı aksiya keçirdilər
Niderlandın paytaxtı Amsterdamda antisemitizmə qarşı aksiya keçirilib.
Crossmedia.az xarici mətbuata istinadla xəbər verir ki, nümayişdə bələdiyyə binasının qarşısına yüzlərlə iştirakçı toplanıb.
Qeyd edək ki, aksiyanın iştirakçıları İsrail bayraqları və plakatları tutaraq yəhudi dövlətini dəstəkləyiblər. Asayişi təmin etmək üçün çox sayda polis, o cümlədən atlı polis və xüsusi təyinatlılar orada olub. Aksiyanın əleyhdarları tədbiri pozmağa çalışsalar da, polis onları Muzey meydanına göndərib.
Bildirək ki, yerli yəhudi və xristian təşkilatlarının təşəbbüsü ilə keçirilən aksiya sakit keçib, ciddi insidentlər baş verməyib.
Nəzrin Salmanova
08:35 29.11.2024
Oxunuş sayı: 27807
