F-35-lərin Türkiyəyə tədarükü üçün tələb olunan şərtlər hər kəsə məlumdur
Türkiyə milli müdafiə naziri Yaşar Gülərin ABŞ-nin Türkiyənin Rusiya istehsalı olan S-400 raketlərinə etirazı qalmadığı və F-35 döyüş təyyarələrini verə biləcəkləri ilə bağlı sözlərinə Vaşinqton cavab verib.
Crossmedia.az xəbər verir ki, “VOA Türkçe”nin məsələ ilə bağlı şərh sorğusuna cavab olaraq ABŞ Dövlət Departamenti siyasətlərində heç bir dəyişiklik olmadığını qeyd edib.
ABŞ Dövlət Departamenti yazılı açıqlamasında bildirib ki, F-35-lərin Türkiyəyə tədarükü üçün tələb olunan şərtlər hər kəsə məlumdur.
“F-35-lərin Türkiyəyə tədarükü üçün tələb olunan şərtlər hər kəsə məlumdur və siyasətimiz dəyişməyib. Türkiyənin NATO ilə davamlı əməkdaşlığı ABŞ-nin kritik prioriteti olaraq qalır”, - deyə açıqlamada qeyd olunub.
Nazirlik Türkiyənin F-35 alması və ya F-35 proqramına qayıtması ilə bağlı danışıqlar haqqında sualları cavabsız qoyub.
16:00 28.11.2024
Oxunuş sayı: 15856
