Samsunq bu model üçün yeniləmə yayımlayıb
“Samsung” 2024-cü ilin noyabr ayı üçün nəzərdə tutulmuş təhlükəsizlik yeniləməsini “Galaxy A35” modeli üçün təqdim etdi. Bəs bu yeniləmə cihaz istifadəçilərinə nə vəd edir?
Hələ də müxtəlif modelləri üçün noyabr yeniləməsini yaymağa davam edən “Samsung”, bu dəfə orta seqmentə aid olan və istifadəçilər arasında populyar olan “Galaxy A35” üçün təhlükəsizlik və sabitlik məqsədli yeniləmə yayımladı.
“Galaxy A35” üçün noyabr 2024 yeniləməsi nə vəd edir?
“Galaxy A35” modelinə təqdim olunan “A356EXXS4AXK1” kodlu bu yeniləmə 300 MB həcmindədir və tam 52 təhlükəsizlik zəifliyini aradan qaldırır. Bununla yanaşı, cihazın ümumi sabitliyini artırır.
Hal-hazırda yeniləmənin hansı regionlarda yayımlandığı dəqiq bilinmir. Amma “Samsung”-un yeniləmələri mərhələli şəkildə təqdim etdiyi nəzərə alınaraq, cihazınıza çatması bir neçə gün çəkə bilər.
Əgər avtomatik yeniləmə bildirişi almamısınızsa, cihazınızı əl ilə yeniləmək üçün aşağıdakı addımları izləyə bilərsiniz:
Ayarlar > Proqram təminatı yeniləməsi > Yüklə və Quraşdır
Bu addımları tamamlasanız da, yeniləmə görünmürsə, bu, hələ sizin region üçün yayımlanmamış ola bilər. Belə halda bir qədər daha gözləməyiniz lazım gələcək.
“Galaxy A35” modelinin əsas xüsusiyyətləri:
Xüsusiyyət Dəyər
Ekran: 6.6 düym – “Super AMOLED”, FHD+, 120 Hz yenilənmə, 1000 nit parlama
Prosessor: “Samsung Exynos 1380”
RAM: 6 GB / 8 GB
Yaddaş: 128 GB / 256 GB
Arxa kameralar: 50 MP (OIS), 8 MP (Ultra Geniş), 5 MP (Makro)
Ön kamera: 13 MP
Batareya: 5,000 mAh, 25W sürətli enerji yükləmə
Əməliyyat sistemi: “Android 14” əsasında “One UI 6.1”
Bağlantı: 5G dəstəyi
Rənglər: “Limun sarısı”, “buz mavisi”, “bənövşəyi”, “tünd göy”
Sevinc Abuşova
14:13 18.11.2024
Oxunuş sayı: 11855
