Sənaye və istehsal sektoruna kredit qoyuluşları 10%-ə yaxın artıb
Bu ilin sentyabrın 1-nə Azərbaycanda fəaliyyət göstərən banklar və qeyri-banklar tərəfindən sənaye və istehsal sektoruna qoyulmuş kreditlərin həcmi 1,6 milyard manata çatıb.
Crossmedia.az xəbər verir ki, bu barədə Azərbaycan Mərkəzi Bankından (AMB) məlumat əldə edib.
Məlumata görə, bu göstərici aylıq müqayisədə 10,5 milyon manat və ya 0,6%, ötən ilin eyni dövrü ilə müqayisədə isə 144,8 milyon manat və ya 9,9% çoxdur.
Qeyd edək ki, ümumilikdə, hesabat dövründə Azərbaycanda real sektora kredit qoyuluşu üzrə kredit portfeli 30,995 milyard manat təşkil edib.
Bu da aylıq müqayisədə 208,2 milyon manat və ya 0,7%, 2024-cü ilin eyni dövründəki göstərici ilə müqayisədə isə 2,9 milyard manat və ya 10,2% artım deməkdir.
17:15 08.10.2025
Oxunuş sayı: 5767
