Xarici xəbərlər
Ermənistan dəmir yollarının bərpası üçün Qazaxıstan şirkəti ilə maraqlanır
Ermənistan dəmir yollarının bərpası üçün Qazaxıstan şirkəti ilə maraqlanır
Qazaxıstandan olan şirkət Ermənistanın Türkiyə və Azərbaycan sərhədlərində yerləşən dəmir yolu hissələrinin bərpası ilə maraqlanır.
Crossmedia.az xəbər verir ki, Ermənistanın Baş naziri Nikol Paşinyan bu barədə açıqlama verib.
Söhbət Yeraskh və Axurik istiqamətlərindəki dəmir yolu xətlərindən gedir. Paşinyanın sözlərinə görə, layihə üzrə təkliflərə Ermənistan tərəfi baxır.
Baş nazir bildirib ki, dəmir yolu xətlərinin bərpası ilə bağlı layihəni və Moskvadan daxil olacaq qarşı təklifləri “Rusiya Dəmir Yolları”nın (“RJD”) rəhbəri Oleq Belozerovla şəxsən müzakirə etməyi planlaşdırır. Belozerovun gələn həftə İrəvana səfər edəcəyi gözlənilir.
Ermənistanın dəmir yolu şəbəkəsi 2008-ci ildən etibarən “Rusiya Dəmir Yolları”nın törəmə şirkətinin konsessiya idarəçiliyindədir.
14:05 08.10.2026
Oxunuş sayı: 198
