İrana qarşı 2015-ci ildən dayandırılmış sanksiyalar yenidən bərpa olundu
Avropa İttifaqı İrana qarşı sanksiyaları bərpa etdi.
Crossmedia.az xəbər verir ki, bu gün Avropa İttifaqı (Aİ) bəyanat yayaraq, İrana qarşı 2015-ci ildən dayandırılmış sanksiyaların yenidən bərpa olunduğunu açıqlayıb. Qərar, ABŞ-nin “snapback” mexanizmini işə salmasından sonra verilib və Hərtərəfli Birgə Fəaliyyət Planı (JCPOA) üzrə razılaşmaların pozulması ilə əlaqələndirilib.
Aİ-nin rəsmi saytında dərc edilən sənəddə vurğulanır ki, sanksiyalar İranın nüvə silahının yayılmasına dair fəaliyyəti ilə bağlı narahatlıqlar fonunda bərpa olunub. Bura 2006-cı ildən BMT Təhlükəsizlik Şurası qətnamələri ilə tətbiq olunmuş tədbirlər daxildir.
Maliyyə sahəsində İran Mərkəzi Bankı və bir sıra böyük kommersiya banklarının aktivləri dondurulub. Avropa limanlarında İran yük təyyarələrinin fəaliyyətinə məhdudiyyətlər, o cümlədən təyyarə və gəmilərə texniki xidmət qadağası da sanksiya paketinə daxil edilib.
Aİ Tehranın nüvə sazişi öhdəliklərinə
qayıtmaq istiqamətində konkret addım atmadığını bildirir.
18:53 29.09.2025
Oxunuş sayı: 3251
