Ulu Öndər Heydər Əliyevin gerçəkləşən arzuları

Həyatını, ömrünü xalqının parlaq gələcəyinə təmənnasız həsr edən Ulu Öndər Heydər Əliyev zəngin dövlətçilik təcrübəsindən çıxış edirdi. Azərbaycanın müstəqilliyini təmin etmək üçün daim yüksək idarəetmə gücünə, uzaqgörən siyasətinə, eləcə də xalqına arxalanırdı. Xalq ona, o da xalqına daim güvənirdi.  Torpaqlarımızın erməni taptağında qalması Ulu Öndəri hər zaman narahat edirdi. Elə buna görə də ürəyindəki arzularını dilə gətirərək:  “Arzu edirəm ki, sizinlə birlikdə gedək Şuşaya” deyirdi. O buna çox əmin idi. Əminliklə  “ Gedəcəyik, inanın ki, gedəcəyik” deyirdi. Ulu Öndər Heydər Əliyevin bu qətiyyəti xalqda daim ruh yüksəkliyi yaradırdı. Azərbaycan Ordusuna inam verməklə yanaşı həm də onlarda döyüş əzmini gücləndirirdi. “Şuşa Azərbaycanın gözüdür, hər bir azərbaycanlı üçün iftixar mənbəyidir.  Şuşa bizim mədəniyyətimizin, tariximizin rəmzidir. Şuşa hamı üçün əzizdir.  Amma təkcə Şuşa yox, Laçın dağları da əzizdir. Biz heç vaxt Laçınsız yaşaya bilmərik. Ağdam kimi gözəl bir şəhər, Füzuli, Cəbrayıl, Zəngilan, Qubadlı, KƏlbəcərin o bulaqları, Kəlbəcərin o İsti suyu-biz onlarsız yaşaya bilmirik” deyən Ulu Öndər xalqa sanki bir mesaj ötürürdü.  Heydər Əliyev Azərbaycan torpağının hər qarışını sevirdi. Bir qarış torpağın belə yad əllərdə qalmayacağını xalqa çatdırırdı. O inanırdı ki, bir gün arzuları çin olacaq. 

Sovet ittifaqı dövründə də Azərbaycana rəhbərlik etdiyi illərdə bütün fəaliyyətini ölkəmizin müstəqilliyi istiqamətinə yönəltmişdi. Elə o dövrlərdə Heydər Əliyev müasir Azərbaycanın təməlini sağlam qurmağa başlamışdı. Ulu Öndər bu çətin yolda öz taleyini heç düşünmədi. Onun bütün xoşbəxtliyi xalqının firəvan yaşaması, ölkəmizin müstəqilliyi idi. Çıxışlarının birində Ulu Öndər Heydər Əliyev söyləmişdir ki: “Xoşbəxt o kəsdir ki, dünyada iz qoyur, böyük iz qoyur. Müstəqillik əldə etmək asan deyil, onu əldə saxlamaq daha da çətindir. Amma biz bu yoldan gedirik, biz bu yoldan gedəcəyik. Biz bu mübarizəni aparırıq, biz bu mübarizəni aparacağıq. Mənim özüm də, mənim övladlarım da Müstəqil Azərbaycanın yaşaması uğrunda qurban olmağa hazırıq!”. Tarixi şəxsiyyətlərin izini tarixdən kimsə silə bilməz. Ulu Öndər Heydər Əliyev Azərbaycan xalqının yeni tarixini öz siyasi düşüncəsi ilə yazdı.  O həm xalqın, həm də tarixin yaddaşında silinməz izlər qoydu. Milli yaddaşlarda ölməz Lider kimi əbədiyaşarlılıq qazandı. Azərbaycan xalqının taleyi Heydər Əliyevin simasında dəyişdi. 

Ulu Öndərin şah əsəri olan müstəqil Azərbaycan Prezident İlham Əliyevin rəhbərliyi ilə özünün dövlət quruculuğu və idarəçiliyinin növbəti şərəfli mərhələsini yaşayır. Azərbaycan dövləti ölkə başçısının rəhbərliyi ilə yeni tarixini qızıl hərflərlə yazır. Əlbəttə, danılmazdır ki, Azərbaycan tarixində bir çox şərəfli səhifələr, anlar olmuş, xalqımızın qürur mənbəyinə çevrilmiş tarixi hadisələr yaşanmışdır. Lakin  Ali Baş Komandanın başçılığı ilə Azərbaycan Ordusunun zəfər yürüşü, torpaqlarımızın işğaldan azad edilməsi dövlətçilik tariximizdə xüsusi əhəmiyyətə malikdir.  Belə bir tarixi heç bir dövlət başçısı yazmamışdır. 

44 günlük İkinci Qarabağ müharibəsində qazanılan möhtəşəm Zəfər də təbii ki, həm də Ulu Öndər Heydər Əliyevin siyasi kursunun uğurlu davamının növbəti nəticəsidir.

Ümummilli Lider Heydər Əliyevin “İnanıram ki, mənim axıra çatdıra bilmədiyim taleyüklü məsələləri, planları, işləri Sizin köməyiniz və dəstəyinizlə İlham Əliyev başa çatdıra biləcək” müraciətində Prezident İlham Əliyevə böyük etimadını ifadə edirdi. Həm də Azərbaycan xalqının taleyüklü məsələsinə Cənab  İlham Əliyevin daha həssaslıqla və məsuliyyətla yanaşacağına inanırdı. Təbii ki, Azərbaycan xalqı heç bir tərəddüd etmədən və əminliklə Ümummilli Liderin bu müraciətinə dəstək verərək cənab İlham Əliyevə yüksək etimad göstərdi. Ulu Öndərin siyasətinin ardıcıllığının təmin olunmasını dəstəklədi. Və Azərbaycan xalqı yanılmadı.

Prezident İlham Əliyevin dövlət başçısı kimi nümayiş etdirdiyi yüksək idarəçilik məharəti, qətiyyətli və milli maraqlara söykənən daxili və xarici siyasəti ilk gündən ona böyük ictimai dəstək, xalqın sonsuz inam və etibarını qazandırmışdır. Prezident İlham Əliyev isə bu gücə söykənərək xalqın inam və etimadını istinad nöqtəsi olaraq dəyərləndirmiş, qəbul etdiyi bütün taleyüklü qərarlarda yalnız xalqımızın mənafeyini rəhbər tutmuşdur. Dövlət başçısı xalqa müraciətlərinin birində müstəqil siyasət həyata keçirməyin əhəmiyyətini belə ifadə etmişdir: “Heç bir kənar qüvvə bizi bu yoldan döndərə bilməz. Bu yol Azərbaycan xalqının şüurlu seçimidir. Biz müstəqil ölkəyik. Biz böyük xalqıq. Ancaq böyük xalq bu qədər nəticələr əldə edə bilər. Ancaq müstəqillik şəraitində Azərbaycan bu qədər uğurlar əldə edə bilər. Bizim taleyimiz öz əlimizdədir”.

Müzəffər Ali Baş Komandan İlham Əliyevin “irəli” əmrini gözləyən Şanlı Ordumuz 30 ilə yaxın işğal altında olan torpaqlarımızı düşməndən təmizləyərək zəfər  tarixi  yazdılar. Onlar Qurtuluş savası apardılar. Biz Ordumuzun qürdəti, Şəhidlərimizin, qazilərimizin şücayəti ilə 30 ilə yaxın həsrətdən sonra doğma Şuşaya qayıtdıq. Bu qayıdışımızla Şuşaya yeni ruh, yeni nəfəs verdik. 

Dövlət başçısı, Müzəffər Ali Baş Komandan İlham Əliyev Ümummilli Liderin istəyini, arzusunu reallığa çevirdi. Bir zamanlar Ulu Öndər Heydər Əliyevin qətiyyətlə və böyük inamla “Arzu edirəm ki, sizinlə birlikdə gedək Şuşaya. Gedəcəyik, inanın ki, gedəcəyik”Şuşa Azərbaycanın gözüdür, hər bir Azərbaycanlı üçün iftixar nöqtəsidir. Şüşa bizim mədəniyyətimizin, tariximizin rəmzidir. Şuşa hamı üçün əzizdir-   deyə səsləndirdiyi fikirlərə cavab olaraq Prezident İlham Əliyev “Əziz Şuşa sən, azadsan, əziz Şuşa biz səni dirçəldəcəyik, Əziz Şuşa biz qayıtmışıq”deyə cavab verdi. 

Ölkə başçısı 8 noyabr 2020-ci ildə Şuşanın işğaldan azad edilməsi müjdəsini xalqa çatdırarkən “Mən xoşbəxt insanam ki, ata vəsiyyətini yerinə yetirdim. Şuşanı azad etdik! Bu, böyük Qələbədir! Bu gün şəhidlərimizin, Ulu Öndərin ruhu şaddır! Gözün aydın olsun, Azərbaycan!” fikirləri ilə Prezidentlik dövrünün əsas hədəflərini reallığa çevirdiyi üçün keçirdiyi hissləri xalqla bölüşdü. Ölkə Prezidenti tarixi Zəfərimizdən dərhal sonra işğaldan azad edilmiş ərazilərə səfərlərində Qələbə sevincini xalqla bölüşdü, bu torpaqların əsl sahibinin məhz Azərbaycan xalqı olduğunu dünyaya çatdırdı. Dünya hərb tarixində Azərbaycan bu qələbəsi ilə ilkə imza atdı. 

Verdiyi sözə daim əməl edən Cənab Prezident İlham Əliyev Qazağın 4 kəndinin azad ediləcəyi ilə açıqlamasını da gerçəkləşdirdi. Qeyd edək ki, Qazağın 7 kəndi 1992-ci ildə Ermənistanın qanunsuz işğalına çəruz qalmışdı. Ölkə başçısının uzaqgörən siyasəti, diplomatik addımları ilə  silah atılmadan, bir əsgər yaralanmadan qaytarıldı. Bu tarixi hadisə dövlət xadimi kimi Azərbaycan Prezidenti İlham Əliyevi xalqın gözündə bir daha ucaltdı. Prezident İlham Əliyevin bu uğurlu siyasəti nəinki Azərbaycanda, hətta dünyada ona böyük hörmət qazdırıb. 

 İlhamə Qəsəbova

YAP Yasamal rayonu AMEA Folklor İnstitutu üzrə ərazi partiya təşkilatının sədri, filologiya üzrə fəlsəfə doktoru, dosent