Elektron Təhlükəsizlik Xidməti yeni kibertəhdid qruplaşmasını müəyyən edib
Ölkəyə qarşı yönəlmiş kiberhücumların monitorinqi və ümumi kibertəhlükəsizlik vəziyyətinin mütəmadi təhlili çərçivəsində Elektron Təhlükəsizlik Xidməti (ETX) tərəfindən kibertəhdid qruplaşması – “Təhdid Qrupu 2” (ad şərti olaraq) müəyyən edilib.
Bu barədə Elektron Təhlükəsizlik Xidmətindən məlumat verilib. Aparılan təhlillər göstərir ki, qrupun kiberəməliyyatları əsasən fürsətçi xarakter daşıyır, yəni qrup konkret hədəflərdən daha çox əlçatan zəiflikləri istismar edir. Hücumlarda açıq resurslu alətlərdən istifadə olunur, lakin zərurət yarandıqda xüsusi kodlaşdırma və avtomatlaşdırma imkanlarına da əl atılır.
ETX tərəfindən bu kimi təhdid qruplaşmalarının istifadə etdiyi infrastrukturun, texnika, taktika və prosedurlarının (TTP) izlənilməsi və standartlaşdırılmış metodologiya əsasında sənədləşdirilməsi gələcəkdə qabaqlayıcı təhlükəsizlik tədbirlərinin görülməsi baxımından böyük əhəmiyyət kəsb edir.
Təhdid qrupu haqqında ətraflı məlumat üçün aşağıdakı keçidə daxil ola bilərsiniz: https://bit.ly/43IpNCD
17:34 05.06.2025
Oxunuş sayı: 9505
