Azərbaycan və Qvineya-Bisau arasında energetika sahəsində yol xəritəsi hazırlanacaq
Azərbaycan və Qvineya-Bisau arasında energetika sahəsində yol xəritəsinin hazırlanması razılaşdırılıb.
Crossmedia.az xəbər verir ki, bu barədə energetika naziri Pərviz Şahbazov "X" hesabında paylaşım edib.
"Qvineya-Bisau Respublikasının ətraf mühit, biomüxtəliflik və iqlim fəaliyyəti naziri Viriato Luis Soares Kassama ilə görüşdə neft-qaz, elektrik enerjisi və enerji tənzimlənməsi sahələrində Azərbaycanın zəngin təcrübəsinin bölüşdürülməsi, eləcə də kadr potensialının inkişaf etdirilməsi üzrə əməkdaşlıq imkanlarını müzakirə etdik. Bu çərçivədə yol xəritəsinin hazırlanması, ekspertlər arasında görüşlərin təşkili və seminarların keçirilməsi barədə razılığa gəldik", - paylaşımda qeyd olunub.
15:15 04.06.2025
Oxunuş sayı: 6252
