Səudiyyə Ərəbistanı iranlılara viza verilməsini dayandırdı
Bu gün İranın xarici işlər nazirinin müşaviri Məhəmmədhüseyn Rəncbəran deyib ki, ultra-radikal mühafizəkar din xadimi Qulamrza Qasimianın açıqlamalarından sonra Səudiyyə Ərəbistanı hökuməti yüzlərlə iranlıya viza verilməsini dayandırıb.
Crossmedia.az-ın xarici mediaya istinadən verdiyi məlumata görə, buna səbəb hüccətül-islam Qasimianın Səudiyyə Ərəbistanı hakimiyyətinin ünvanına sərt tənqidlər səsləndirməsi olub.
İran XİN rəhbərinin müşaviri din xadiminin Məkkə və Mədinə barədə dediklərini çirkin ifadələr adlandıraraq bildirib ki, Qulamrza Qasimian 85 mindən çox zəvvar yoldaşının Həcc ziyarətindən məhrum edilməsi ehtimalına məhəl qoymayıb.
14:00 28.05.2025
Oxunuş sayı: 1335
