Lətif Kərimovun 120 illiyinə həsr olunan sərgi keçirilir
Muzey Mərkəzində görkəmli xalçaçı-rəssam, ornamentalist və tədqiqatçı Lətif Kərimovun anadan olmasının 120 illiyinə həsr olunmuş sərgi keçirilir.
Crossmedia.az xəbər verir ki. Tədbirdə Mədəniyyət nazirinin müavini Səadət Yusifova, Azərbaycan Respublikasının Xalq rəssamları Aydın Rəcəbov və Arif Hüseynov, Əməkdar rəssam Məhəmmədhüseyn Hüseynov, eləcə də digər qonaqlar iştirak edirlər.
Sərgi çərçivəsində Lətif Kərimovun Azərbaycan xalçaçılıq sənətinin inkişafına verdiyi töhfələr, milli ornamentlərin öyrənilməsi və təbliği istiqamətində gördüyü işlər diqqətə çatdırılır.
Tədbirin bədii proqramı çərçivəsində musiqi proqramı da təqdim olunur.
Qeyd edək ki, Lətif Kərimov Azərbaycan xalçaçılıq sənətinin öyrənilməsi, sistemləşdirilməsi və dünyada tanıdılması istiqamətində mühüm xidmətlər göstərib. Onun yaradıcılığı milli dekorativ-tətbiqi sənətin inkişafında xüsusi yer tutur.
Nigar Xəlilli
18:53 15.10.2026
Oxunuş sayı: 68
