Azərbaycan səfiri Perunun XİN başçısının müavini ilə iqtisadi məsələləri müzakirə edib
Azərbayacanın Perudakı qeyri-rezident səfiri Məmməd Talıbov bu ölkənin xarici işlər nazirinin müavini Feliks Deneqri Bosa ilə iqtisadi məsələləri müzakirə edib. Bu barədə Perunun Xarici İşlər Nazirliyinin mətbuat xidməti məlumat yayıb.
“Nazir müavini Azərbaycan səfiri Məmməd Talıbovu qəbul edib, onunla siyasi dialoqu, müxtəlif sahələrdə əməkdaşlığı, həmçinin 2026-cı ildə diplomatik münasibətlərin qurulmasının 30 illiyinin qeyd edilməsi ərəfəsində iqtisadi əlaqələri gücləndirmək niyyətini təsdiqləyib”, – xarici siyasət idarəsinin sosial şəbəkə hesabında qeyd olunub.
Talıbov isə öz səhifəsində görüşə dair təəssüratını paylaşaraq “iqtisadi və ticarət sahələrində münasibətlərin gücləndirilməsinə qarşılıqlı marağın” olduğunu vurğulayıb. (report)
08:17 21.05.2025
Oxunuş sayı: 8650
