Sosial Tədqiqatlar Mərkəzində Türkiyənin TESAM təşkilatının nümayəndələri ilə görüş keçirilib
Sosial Tədqiqatlar Mərkəzində (STM) Türkiyənin tanınmış təşkilatlarından olan olan TESAM (İqtisadi, Siyasi və Sosial Araşdırmalar Mərkəzi) nümayəndələri ilə görüş keçirilib.
STM tərəfindən tədbirdə İdarə Heyətinin sədri Zahid Oruc çıxış edib. O, Sosial Tədqiqatlar Mərkəzinin fəaliyyəti, həyata keçirilən tədqiqatlar, data əsaslı hesabatlar və siyasət sənədləri barədə ətraflı məlumat verib. Qonaqlara STM-in fəaliyyət istiqamətləri, beynəlxalq əməkdaşlıq perspektivləri və yeni layihələr haqqında da geniş təqdimat olunub.
Tədbir zamanı TESAM nümayəndələri də öz çıxışlarında rəhbərlik etdikləri qurumların fəaliyyəti, reallaşdırdıqları layihələr və beynəlxalq əməkdaşlıq sahəsindəki təşəbbüslər barədə məlumat veriblər.
Bildirilib ki, TESAM hazırda Türkiyənin ən böyük tədqiqat təşkilatlarından biri kimi fəaliyyət göstərir və elmi araşdırmalar, analitik hesabatlar sahəsində önəmli yer tutur.
Görüş qarşılıqlı əməkdaşlıq imkanlarının müzakirəsi və gələcək birgə layihələrin əsaslarının qoyulması baxımından faydalı olub.
22:25 02.05.2025
Oxunuş sayı: 9107
