Alim: "Dilin saflığının qorunmasında müasir gəncliyin üzərinə böyük vəzifələr düşür
Ana dili xalqın milli varlığını ifadə edən ən böyük sərvətlərdən biridir. Bugünkü qloballaşma, texnoloji yeniliklər və xarici dillərin təsiri ana dilimizin gələcəyinə ciddi təsir göstərir. Bu mövzunun əhəmiyyətini nəzərə alaraq Bakı Dövlət Universitetinin filologiya üzrə fəlsəfə doktoru Məhəmməd Məmmədovla ana dilimizin bugünkü vəziyyəti və onu qorumağın yolları haqqında söhbət etdik.
O bildirib ki, dil hər bir xalqın milli varlığını müəyyən edən mənəvi dəyərləri inkişaf etdirən və yaşadan başlıca amillərdəndir: "Azərbaycan xalqının milli dili də Azərbaycan dilidir. Azərbaycan dili Azərbaycan Respublikasının ünsiyyət və rəsmi dövlət dilidir. Azərbaycan dilinin geneoloji cəhətdən türk dili ailəsinin oğuz dil qrupuna aid olduğunu unutmayaq. Azərbaycan dilini sevən, ona hörmətlə yanaşan Heydər Əliyev dilə münasibətdə hər bir kəsə örnək olmuş və hakimiyyətə gəldiyi ilk illərdən Azərbaycan dilində çıxış etməklə, dilimizə verdiyi önəmi bir daha sübut etmişdir. Təbii ki, 1978-ci ildə ulu öndər Azərbaycan Sovet Sosialist Respublikası Konstitusiyasının 73-cü maddəsində ilk dəfə olaraq rus dili ilə yanaşı, Azərbaycan dilinin də rəsmi dil statusunda olduğunu bildirmişdir. 1995-ci il noyabrın 12-də müstəqil Azərbaycanın ilk demokratik Konstitusiyası qəbul edilərkən, Konstitusiyanın 21-ci maddəsində Azərbaycan Respublikasının dövlət dili Azərbaycan dili olması da öz əksini tapmış oldu. Bundan Azərbaycan dilinin qorunması ilə bağlı danışarkən ilkin növbədə respublikamızın müstəqillik əldə etdikdən sonra görülmüş işlər xüsusi olaraq dəyərləndirilməlidir. Təbii ki, sonra ana dilimizin inkişafı ilə bağlı bir sıra fərman və sərəncamlar qəbul edildi. Əlbəttə, bütün bu fərmanların verilməsi Azərbaycan dilinin saflığına və qloballaşma şəraitində Azərbaycan dilinin qorunmasına xidmət edir. Kimliyimizdən, harada yaşadığımızdan asılı olmayaraq, hansı vəzifə tutmağımızdan asılı olmayaraq, dövlət dilinin qorunmasına və Azərbaycan dilinin saflığına diqqət yetirməliyik. Hər bir azərbaycanlı Azərbaycan dilinə qayğı ilə yanaşmalı, onu qorumalıdır".
Alimin fikrincə, bu məsələdə müasir gəncliyin üzərinə böyük vəzifələr düşür: "Çünki qloballaşma şəraitində müxtəlif dillərin öyrənilməsi, tədrisi zamanı, kimliyimizdən asılı olmayaraq, dilimizə qayğı ilə yanaşmalıyıq. Dilimizi qorumalı, dildən istifadədə daha düzgün, daha dəqiq olmalı, dil normalarına riayət etməliyik. Bu yolda gəncliyimizin üzərinə düşən böyük vəzifələri inanıram ki, müasir gəncliyimiz Azərbaycan dilinin qorunması və saflığı yolunda bütün elmi gücü və potensialından, dilimizin qaydaqanunlarından məharətlə istifadə edəcək. saflığına diqqət yetirməliyik. Hər bir azərbaycanlı Azərbaycan dilinə qayğı ilə yanaşmalı, onu qorumalıdır. Bu məsələdə təbii ki, müasir gəncliyin üzərinə böyük vəzifələr düşür".
Aysel Şıxməmmədova, Talehə Hüseynzadə
15:59 01.05.2025
Oxunuş sayı: 2363
