16 il əvvəl sükutu pozan güllə səsləri
Bu gün Azərbaycan Dövlət Neft Akademiyasında baş vermiş dəhşətli terror hadisəsindən 16 il ötür. 2009-cu ilin o qara aprelinin səhəri heç kimin gözləmədiyi bir kabus kimi gəldi. O gün dərsə tələsən tələbələr, müəllimlər – həyat dolu insanlar – bir caninin hədəfinə çevrildi. Silah səsləri yalnız divarları yox, taleləri də dağıtdı.
Həyatını itirənlər arasında gələcəyi böyük ümidlərlə qarşılayan gənclər, elmin izində gedən müəllimlər vardı. Onların hər biri ailələrinin ümidi, xalqın gələcəyi idi. O gün ADNSU-da atılan güllələr təkcə ordakılara yox , bütün Azərbaycan xalqına atıldı.
Bu hadisə bir daha göstərdi ki, terrorun nə dini, nə vətəni, nə də insanlığı var. O, harada baş verirsə, orada insanlıq ölür. Unutmuruq. Unutmayacağıq. Qəlbimizdə daşıdığımız acılar, gələcək nəsillərə sülhün, əmin-amanlığın dəyərini anlatmaq üçün bir çağırışdır.
Ayhan Ağarzayev
11:32 30.04.2025
Oxunuş sayı: 955
