Yasamal rayonunda “Zərifə xanım Əliyeva-Nurlu ömür yolu” adlı tədbir keçirilib
Yeni Azərbaycan Partiyası Yasamal rayon təşkilatı, Yasamal Rayon İcra Hakimiyyəti, Akademik M.Ə.Mirqasımov adına Respublika Klinik Xəstəxanası və Ə.Əliyev Azərbaycan Dövlət Həkimləri Təkmilləşdirmə İnstitutunun birgə təşkilatçılığı ilə görkəmli oftalmoloq-alim, akademik Zərifə xanım Əliyevanın anadan olmasının 102-ci ildönümü münasibətilə “Zərifə xanım Əliyeva-Nurlu ömür yolu” adlı tədbir keçirilib.
Tədbirdə YAP Yasamal rayon təşkilatının sədri Bəxtiyar Nəbiyev, Yasamal Rayon İcra Hakimiyyəti başçısının birinci müavini Hüseyn Əfəndiyev, Ə.Əliyev adına Azərbaycan Dövlət Həkimləri Təkmilləşdirmə İnstitutunun rektoru Nazim Qasımov, Akademik M.Ə.Mirqasımov adına Respublika Klinik Xəstəxanasının direktoru, YAP Yasamal rayonu “A.M.Şərifzadə küç.762” (Akademik M.Ə.Mirqasımov adına Respublika Klinik Xəstəxanası) ünvanı üzrə ərazi partiya təşkilatının sədri Elviz Qasımov, Yeni Azərbaycan Partiyası Veteranlar Şuasının üzvləri, məşhur “91-lər” dən Şahlar Əsgərov və Sudeyf İmamverdiyev, Azərbaycan Texniki Universitetinin rektoru Vilayət Vəliyev, Milli Onkologiya Mərkəzinin baş həkimi Azad Kərimli, Akademik M.Ə.Mirqasımov adına Respublika Klinik Xəstəxanasının baş həkimi Sahib Hüseynov, K.Y. Fərəcova adına Elmi-Tədqiqat Pediatriya İnstitutunun direktoru Aynur Poluxova, Bakı şəhər Narkoloji Dispanserinin baş həkimi Qalib Məmmədov, Yasamal rayon bələdiyyəsinin sədri Tahir Məmmədov, Yasamal rayonu Mənzil Kommunal Təsərrüfat Birliyinin rəisi Vüsal Hüseynov, YAP Yasamal rayon təşkilatının və Yasamal Rayon İcra Hakimiyyətinın əməkdaşları, YAP Yasamal rayon ərazi partiya təşkilatlarının sədr, sədr müavinləri və fəal gənclər iştirak edib.
Tədbirdən öncə Fəxri xiyabanda Ümummilli lider Heydər Əliyevin və görkəmli oftalmoloq-alim akademik Zərifə xanım Əliyevanın məzarları ziyarət olunub, abidəsi önünə əklil qoyulub, gül dəstələri düzülüb. Əziz xatirələri dərin ehtiramla yad edilib.
YAP Yasamal rayon təşkilatında baş tutuan tədbirdə ilk öncə Azərbaycan Respublikasının Dövlət Himni səsləndirilib. Ulu öndər Heydər Əliyevin, görkəmli oftalmoloq-alim akademik Zərifə xanım Əliyevanın və Azərbaycanın müstəqilliyi, suverenliyi uğrunda canından keçən şəhidlərimizin əziz xatirəsi bir dəqiqəlik sükutla yad edilib.
Sonra görkəmli oftalmoloq-alim akademik Zərifə xanım Əliyevanın həyat və fəaliyyətini özündə əks etdirən videoçarx nümayiş etdirilib.
Tədbirdə YAP Yasamal rayon təşkilatının sədri Bəxtiyar Nəbiyev, Ə.Əliyev adına Azərbaycan Dövlət Həkimləri Təkmilləşdirmə İnstitutunun rektoru Nazim Qasımov, Akademik M.Ə.Mirqasımov adına Respublika Klinik Xəstəxanasının direktoru, YAP Yasamal rayonu “A.M.Şərifzadə küç.762” (Akademik M.Ə.Mirqasımov adına Respublika Klinik Xəstəxanası) ünvanı üzrə ərazi partiya təşkilatının sədri Elviz Qasımov, Mərkəzi Klinik Xəstəxananın vip protokolunun sədri Nigar ismayılova, YAP Yasamal rayonu “A.M.Şərifzadə küç.762” (Akademik M.Ə.Mirqasımov adına Respublika Klinik Xəstəxanası) ünvanı üzrə ərazi partiya təşkilatının sədr müavini Naidə İbadova, Yeni Azərbaycan Partiyası Veteranlar Şuasının üzvləri, məşhur “91-lər” dən Sudeyf İmamverdiyev, Şahlar Əsgərov və Milli Onkologiya Mərkəzinin baş həkimi Azad Kərimli tərəfindən görkəmli oftalmoloq-alim, akademik Zərifə xanım Əliyevanın həyat və fəaliyyətindən geniş bəhs edilib. Qeyd olunub ki, tibb aləmində bir çox yeniliklərə imza atmış, Azərbaycan oftalmologiya elmini bütün dünyada tanıdan, yüksək intellekt sahibi, görkəmli oftalmoloq-alim, akademik Zərifə xanım Əliyevanın elmdə açdığı yol ildən-ilə inkişaf edir, onun yazıb-yaratdığı monumental əsərləri, qoyub-getdiyi elmi nailiyyətləri, pedaqoqluq səriştəsi, mədəni irsi daim araşdırılır, öyrənilir, neçə-neçə tədqiqat əsərlərinin mövzusuna çevrilir. Onun zəngin elmi irsi, oftolmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifəsidir. İnsanlara bitib-tükənməyən sevgi, məhəbbət dolu geniş ürəyə sahib olan, gözlərə işıq, nur bəxş edən, Vətən təəsübünü bütün doğrulardan üstün tutmağı bacaran, özünün fitri istedadı ilə elmin, insanlığın ən yüksək zirvəsinə ucalan akademik Zərifə xanım Əliyeva bu xüsusiyyətləri ilə həm müasir gənclərə, həm də gələcək nəsillərə nümunə və örnəkdir. Zərifə xanım Əliyevanın adı bu gün də Azərbaycanda fəxrlə, sonsuz qürur hissi ilə səslənir. Ölkəmizdə ana adının ucalığı, ömür-gün yoldaşının sədaqəti, həkimliyin müqəddəsliyi onun adı ilə əbədiləşir. Ömrünü insanların sağlamlığının qorunmasına həsr etmiş bu nəcib xanım, məhz bütün keyfiyyətlərinə görə hər zaman, hər kəs tərəfindən sevilir, əziz xatirəsi ehtiramla yad edilir.
Çıxışlardan sonra fəxri fərmanlar və qiymətli hədiyyələr təqdim edilib.
Yeni Azərbaycan Partiyasınını Himni səsləndirilib.
Sonda xatirə şəkli çəkdirilib.
17:10 28.04.2025
Oxunuş sayı: 1275
