Kəmalə Müzəffərə “İlin İşgüzar Xanımı” mükafatı təqdim olundu
Crossmedia.az xəbər verir ki, tanınmış aktrisa, Əməkdar artist Kəmalə Müzəffər sənət dünyasındakı uğurlarına daha birini əlavə edib. O, “İlin İşgüzar Xanımı” Müstəqil Milli Mükafatına layiq görülüb.
Tədbir Ramazan Bayramı münasibətilə keçirilib və burada müxtəlif sahələrdə uğur qazanan populyar simalar, işgüzar xanımlar və şou-biznes nümayəndələri iştirak ediblər. Kəmalə Müzəffər səhnədə peşəkarlıqla yaratdığı obrazlara və tamaşaçı sevgisi qazanmaq bacarığına görə mükafata layiq görülüb.
Qeyd edək ki, aktrisanın son zamanlarda “Xəyanət” serialındakı performansı tamaşaçılar tərəfindən böyük rəğbətlə qarşılanıb. O, teatr və televiziya sahəsində özünəməxsus üslubu və fərqli rolları ilə seçilən sənətkarlardandır.
Bu nüfuzlu mükafat Kəmalə Müzəffərin sənət yolunda qazandığı uğurların daha bir göstəricisidir.
Mükafat münasibətilə sənətçini təbrik edir, ona yeni yaradıcılıq uğurları arzulayırıq!
Ayan Sədi
08:49 01.04.2025
Oxunuş sayı: 1783
