Hadisə

İrəvanda Qarabağı tərk etmiş ermənilər etiraz aksiyası keçirdi

İrəvanda Qarabağı könüllü şəkildə tərk etmiş ermənilər sosial ödənişlərin azaldılmaması tələbi ilə mitinq keçiriblər.

Crossmedia.az “minval.az”-a istinadən xəbər verir ki, etirazçılar 2023-cü ilin sonundan etibarən aldıqları müavinətlərin azaldılması ehtimalına qarşı çıxaraq, hökumətdən sosial dəstəyin davam etdirilməsini tələb ediblər.

Özünü “ombudsman” adlandıran separatçı Geqam Stepanyan, əgər ödənişlər dayandırılarsa, Qarabağdan gələn ermənilərin mənzil kirayəsini ödəyə bilməyəcəklərini və Ermənistanı tərk etmək məcburiyyətində qalacaqlarını iddia edib.

Bundan əlavə, separatçı Qarabağla bağlı beynəlxalq məhkəmələrdə iddiaların davam etdirilməsini və ATƏT-in Minsk Qrupunun fəaliyyətinin bərpa olunmasını tələb edib.

Mədinə Cəlilova

🖨 Çap et

18:08 29.03.2025

Oxunuş sayı: 1158