Putinin məktubu Kim Çen In-in əlində: Şimali Koreyaya gözlənilməz səfər
Rusiya Təhlükəsizlik Şurasının katibi Sergey Şoyqu Şimali Koreya lideri Kim Çen In-lə görüşərək Prezident Vladimir Putinin məktubunu təqdim edib.
Crossmedia.az xəbər verir ki, Pxenyanda baş tutan görüşdə regional və qlobal məsələlər, iki ölkə arasındakı strateji əməkdaşlıq və təhlükəsizlik maraqları müzakirə olunub. Kim Çen In “Şimali Koreyanın Rusiyanın suverenliyini və ərazi bütövlüyünü qoruma mübarizəsini dəstəkləməyə davam edəcəyini” bəyan edib. Şoyqu isə Moskva ilə Pxenyan arasındakı “Əhatəli Strateji Tərəfdaşlıq Müqaviləsi”nin icrasının vacibliyini vurğulayıb.
Bu səfər Ukraynada atəşkəs danışıqlarının davam etdiyi bir dövrdə baş tutaraq diqqət çəkib. Son zamanlar Pxenyan və Moskva arasındakı hərbi əməkdaşlıq güclənib və Şimali Koreya Rusiyaya Ukrayna müharibəsi üçün əsgərlər göndərib.
Mədinə Cəlilova
16:28 22.03.2025
Oxunuş sayı: 10387
