Xarici xəbərlər

İsrailin Qəzzada məcburi köçkün siyasəti

İsrail ordusu atəşkəsi pozaraq Qəzzaya hücumlarını davam etdirir və şimal bölgəsinin sakinlərinə cənuba köç etmələri üçün təxliyə əmri verib. Son hücumlardan bəri 600-dən çox fələstinli həlak olub, 1000-ə yaxın insan yaralanıb. BMT-nin məlumatına görə, Qəzzadaki 2,3 milyon əhalinin 90%-i ən azı bir dəfə məcburi köç yaşayıb.

İsrail Müdafiə Naziri Yizrael Kats, “Orduya Qəzzada daha çox ərazi ələ keçirmək əmri verdim” deyərək, HƏMAS girovları azad etmədikcə, işğalın genişlənəcəyini bildirib. İsrailin bölgəni daimi ilhaq etmə planı çərçivəsində təhlükəsizlik zonalarının genişləndiriləcəyi vurğulanıb.

Crossmedia.az Lübnan mediasına istinadən xəbər verir ki, Misir yarım milyon fələstinliyə müvəqqəti sığınacaq verməyə hazırdır. ABŞ-nin prezidenti Donald Tramp da fələstinlilərin ərəb ölkələrinə köçürülməsini və Qəzzanın ABŞ ordusu tərəfindən nəzarətə alınmasını nəzərdə tutan planını açıqlamışdı. Buna qarşı olaraq, Misir mart ayında Qəzzanın sakinlər köçürülmədən yenidən qurulmasını nəzərdə tutan 53 milyard dollarlıq alternativ plan təqdim edib.

Mədinə Cəlilova

🖨 Çap et

15:56 22.03.2025

Oxunuş sayı: 1046