Düpon-Enyan: “Makronun hakimiyyətdən uzaqlaşdırılması həyati vacibdir”
Fransanın “Ayağa qalx, Fransa” partiyasının lideri Nikola Düpon-Enyan prezident Emmanuel Makronun hakimiyyətdən kənarlaşdırılmasının vacib olduğunu bəyan edib.
Crossmedia.az xarici mediaya istinadən xəbər verir ki, siyasətçi bu fikrini X sosial şəbəkəsində bildirib.
“Onun vəzifədən uzaqlaşdırılması həyati vacib və fövqəladə bir məsələdir” – deyə Düpon-Enyan yazıb.
Onun sözlərinə görə, Makron hakimiyyətdə qalmaq üçün “Rusiya təhlükəsi” tezisindən istifadə edir və Fransa vətəndaşlarının iqtisadi vəziyyətinə mənfi təsir göstərir.
Bundan əvvəl, martın 5-də Fransa prezidenti xalqa müraciətində Avropa İttifaqının müdafiəsi naminə nüvə silahından istifadə imkanını müzakirə etməyi planlaşdırdığını bildirmişdi. O, həmçinin Aİ ölkələrini müdafiə potensiallarını artırmağa çağırmışdı.
Zəhra Məmmədova
14:52 22.03.2025
Oxunuş sayı: 814
