Marko Rubio Tibetin mühacirətdə olan liderinə məktub göndərib
ABŞ Dövlət Katibi Marko Rubio mühacirətdə fəaliyyət göstərən Mərkəzi Tibet Administrasiyasının lideri Penpa Tserinqə məktub ünvanlayıb.
Crossmedia.az xarici mediyaa istinadən xəbər verir ki, məktubda ABŞ-ın tibetlilərin insan haqlarını qorumaq, onların fundamental azadlıqlarını təmin etmək və dinc, ləyaqətli həyat sürmələri üçün dəstəyini davam etdirdiyi vurğulanıb.
Mərkəzi Tibet Administrasiyası bu məktubu ABŞ-ın Tibet məsələsinə davamlı dəstəyinin göstəricisi kimi qiymətləndirib. Tibet lideri Penpa Tserinq isə təşkilatın məqsəd və proqramlarının ABŞ hökumətinin hazırkı siyasəti və tibetlilərin genişmiqyaslı ambisiyaları ilə üst-üstə düşməli olduğunu qeyd edib.
Mərkəzi Tibet Administrasiyasının açıqlamasında USAİD-in maliyyə yardımının dayandırılmasına baxmayaraq, ABŞ-ın müxtəlif platformalarda Tibetə dəstəyinin davam edəcəyi bildirilib.
13:26 22.03.2025
Oxunuş sayı: 9600
