Daun sindromlu uşaqlar üçün təşkil olunmuş yaz düşərgəsi başa çatıb
Ailə, Qadın və Uşaq Problemləri üzrə Dövlət Komitəsi tərəfindən “Xəzri” İstirahət və Sağlamlıq Mərkəzində Daun sindromlu uşaqlar üçün təşkil olunmuş 10 günlük yaz düşərgəsinin bağlanış mərasimi keçirilib.
Crossmedia.az xəbər verir ki, bağlanış mərasimində rəsmi hissədən sonra uşaqların və valideynlərin təəssüratlarını əks etdirən videoçarx nümayiş olunub.
Sonra “balaca günəşlər”in hazırladıqları rəqs nömrələri təqdim edilib.
Qeyd edək ki, sağlamlıq imkanları məhdud uşaqların reabilitasiyası, sosial xidmətlərlə təmin olunması, cəmiyyətə inteqrasiyası və onların valideynlərinə psixo-sosial dəstəyin göstərilməsi məqsədilə martın 5-dən başlayan düşərgəyə 25 uşaq valideyni ilə qatılıb. Düşərgədə hər gün psixoloq, sosial işçi və təlimçilər tərəfindən inkişafetdirici təlimlər, interaktiv oyunlar, eləcə də art-terapiya, idman məşğələləri, rəqs dərsləri, iştirakçıların asudə vaxtının səmərəli təşkili məqsədilə əyləncə proqramları, maraqlı ekskursiyalar təşkil olunub.
15:55 14.03.2025
Oxunuş sayı: 625
