Xpeng insanabənzər robot texnologiyasına milyardlarla dollar sərmayə qoyacaq
Çinin aparıcı avtomobil istehsalçılarından biri olan Xpeng, insanabənzər robot texnologiyasına böyük sərmayə yatırmağı planlaşdırır. Şirkətin baş direktoru He Xiaopeng, Çin parlamentinin illik iclasında çıxışı zamanı bu sektora uzunmüddətli investisiya kimi baxdıqlarını bildirib.
Onun sözlərinə görə, Xpeng-in bu sahəyə yatıracağı sərmayənin məbləği 100 milyard yuana (təxminən 13,8 milyard dollar) çata bilər.
Şirkət texnologiya sektorunda innovasiyalara fokuslanaraq, insanabənzər robotların inkişafı üçün ciddi addımlar atmağı hədəfləyir. Analitiklər bu sərmayənin gələcəkdə Çinin süni intellekt və avtomatlaşdırma sahəsində qlobal liderliyini gücləndirəcəyini proqnozlaşdırırlar.
03:29 13.03.2025
Oxunuş sayı: 11413
