Azərbaycanlı gənclər Türkiyədə kosmos tədqiqatı proqramına qatılacaqlar
Azərbaycandan kosmos sahəsində istedadlı gənclər Türkiyədə hərtərəfli təlim proqramında iştirak edəcəklər.
Bu barədə Türkiyənin “C4defence.com” nəşri məlumat yayıb.
Azərbaycanın milli peyk operatoru “Azərkosmos” Türkiyənin Gökmen Kosmik Aviasiya Tədris Mərkəzi (GUHEM) ilə yeni əməkdaşlıq müqaviləsi imzalayıb. Bu tərəfdaşlıq çərçivəsində Azərbaycanın ən müvəffəqiyyətli universitet tələbələri STARTECH Layihəsi çərçivəsində Bursada Qabaqcıl Kosmos Tədqiqatçıları Proqramında iştirak edəcəklər.
Təhsilini başa vuran tələbələr Ankara və İstanbulda innovasiya yönümlü texniki səfərlər edəcək, kosmos, aviasiya və qabaqcıl texnologiya sahələrindəki son inkişafları yaxından araşdıra biləcəklər.
17:28 01.03.2025
Oxunuş sayı: 12663
