Qərbi Azərbaycana qayıdış: Azərbaycan həqiqətləri və erməni yalanları - elmi seminar
Qərbi Azərbaycan İcmasının (QAİ) Ziyalılar Şurası Sumqayıt şəhəri üzrə nümayəndəliklə birlikdə “Qərbi Azərbaycana qayıdış: Azərbaycan həqiqətləri və erməni yalanları” mövzusunda elmi seminar keçirilib.
Tədbiri QAİ Sumqayıt nümayəndəliyinin sədri Ramiz İsmayılov açaraq Qərbi azərbaycanlıların ləyaqətli, təhlükəsiz və sülh şəraitində doğma torpaqlarına qayıtması üçün həyata keçirilən tədbirlərdən danışıb.
Elmi seminarda QAİ Ziyalılar Şurasının sədr müavini, professor Fərrux Rüstəmovun “Qərbi azərbaycanlıların maariflənməsində İrəvan kişi gimnaziyasının rolu”, ATV-nin əməkdaşı Füzuli Sabiroğlunun “İrəvanda məhv edilmiş mədəni irsimizin izi ilə”, professor Aslan Bayramovun “Erməni alimlərinin etirafı - ermənilər Qərbi Azərbaycana gəlmədirlər”, professor Avtandil Məmmədovun “Qərbi Azərbaycandakı milli-mənəvi sərvətimiz və erməni saxtakarlıqları” mövzularında məruzələri dinlənilib.
Məruzələr ətrafında icmanın fəal üzvləri Akif Şahbaz, Alı Alıyev, Nöfəl Əhmədov, Anar Hüseynov, Mehman Adıgözəlov, Rövşən Səfərov və başqaları çıxış edərək elmi seminarın əhəmiyyətindən, görüləcək işlərdən danışaraq təkliflərini bildirdilər.
Sonda professor Fərrux Rüstəmovun “İrəvan Müəllimlər Seminariyası və onun məzunları” və “İrəvan kişi gimnaziyası və onun azərbaycanlı məzunları” kitabları nümayəndəliyə hədiyyə edilib.
18:53 24.02.2025
Oxunuş sayı: 1240
