Yaxın günlərdə Şərqi Avropadakı müharibə ilə bağlı ciddi hadisələr ola bilər
ABŞ prezidenti Donald Trampın Rusiya dövlət başçısı Vladimir Putinlə apardığı telefon danışığından sonra bu istiqamətdə bəyanatların intensivliyi bir qədər aşağı düşdüyü müşahidə olunur. Siyasətçilər artıq Ağ Ev sahibinin yeni açıqlamalarının intizarındadırlar. Amma görünən odur ki, yaxın bir neçə gündə bu barədə ciddi məlumat verilməyəcək. Çünki diqqət fevralın 14-də keçiriləcək Münhen Təhlükəsizlik konfransına yönəlib. Oradakı müzakirələrdən sonra Rusiya ilə Ukrayna arasında atəşkəsin əldə olunması istiqamətində müəyyən razılaşmalar ortaya çıxa bilər. Belə ki, məlumatlı mənbələr Trampın Ukrayna və Rusiya üzrə xüsusi nümayəndəsi Keyt Kelloqun qarşıdakı həftələrdə hərbi əməliyyatlara son qoymaq üçün razılaşma variantlarını prezidentə təqdim etməyi planlaşdırdığını xəbər verirlər. O, cümə günü başlayacaq Münhen Təhlükəsizlik Konfransında, sonra isə Kiyevə və digər Avropa paytaxtlarına səfərləri zamanı dövlət rəsmilərini dinləyəcək.
Kelloq Trampın tələbinə uyğun olaraq atəşkəsin əldə edilməsi üçün müxtəlif variantlar hazırlayır. O, Tramp, Putin və Ukrayna lideri Volodimir Zelenski arasında birbaşa danışıqlar üçün zəmin hazırlayır. Mənbələr əlavə edib ki, Kelloq bu səfərləri çərçivəsində Moskvada görüşlər keçirməyi planlaşdırmır.
Kelloqun hazırladığı təkliflərin Rusiya ilə razılaşdırılıb-razılaşdırılmadığı barədə məlumat yoxdur. Görünən odur ki, təklif olunan variantları əvvəlcə qəbul edəcək, sonra Rusiyaya təqdim ediləcək. Rusiyanın bu təkliflərə münasibətini qabaqcadan proqnozlaşdırmaq olduqca çətindir.
Xüsusi nümayəndənin Avropa liderləri ilə onların liderlik rolunu almağa və sülh yolu ilə nizamlanmanı təmin etmək üçün çəkindirici qüvvəni təmin etməyə hazır olub-olmadığını müzakirə edəcəyi gözlənilir.
Tramp və onun köməkçiləri eyni zamanda avropalıları Ukraynaya dəstəyi artırmağa çağırır. Onlar ümid edirlər ki, Ukrayna ABŞ-a mühüm minerallar kimi təbii ehtiyatlarına çıxış imkanı verəcək və yardım müqabilində daha çox Amerika enerjisini əldə edəcək.
Almaz Abasova, siyasi analitik
14:46 12.02.2025
Oxunuş sayı: 8232
