"Xiaomi 15 Ultra"-nın maraqlı xüsusiyyəti məlum oldu!
Bir müddətdir yayılan məlumatlar və sızdırmalarla diqqət mərkəzində olan "Xiaomi 15 Ultra"-nın təqdimatına az qalıb. Fevral ayında keçiriləcək MWC 2025 tədbirində nümayiş olunması planlaşdırılan bu smartfonla bağlı hər gün yeni məlumatlar ortaya çıxır. Ən son məlumat cihazın vacib bir xüsusiyyətini üzə çıxarıb.
"Xiaomi 15 Ultra", “Small Surge” adlı çip ilə təchiz edilə bilər.
Məlumatlara əsasən, "Xiaomi 15 Ultra" “Small Surge” adlı bir çip ilə bazara çıxacaq. Bu çipin konkret funksiyası hələ dəqiq bilinməsə də, ilkin ehtimallara görə, batareya idarəetməsini təkmilləşdirmək və enerji doldurma müddətini azaltmaq məqsədilə istifadə edilə bilər. Alternativ olaraq, bu çip rabitə siqnallarını gücləndirə bilər.
Cihazın xüsusiyyətlərinə nəzər yetirdikdə, onun yüksək səviyyəli flaqman telefon kimi təqdim olunacağı aydın olur. Gözləntilərə görə, "Xiaomi 15 Ultra" "Qualcomm Snapdragon 8 Elite" prosessoru ilə güclənəcək və 120 Hz yenilənmə tezliyinə malik 6.7 düymlük LTPO OLED ekranla təchiz olunacaq. Modelin dizayn baxımından əvvəlki versiyaya çox bənzəyəcəyi qeyd olunur. Əsas fərq isə kameraların əvvəlki modellə müqayisədə daha qeyri-simmetrik formada yerləşdirilməsidir. Ön paneldə isə ciddi bir dəyişiklik gözlənilmir. Bu cihazın təqdimatının fevral ayında baş tutacağı bildirilir.
Emil Bağızadə
08:01 20.01.2025
Oxunuş sayı: 19751
