“Microsoft”dan “Windows 11” üçün şok qərar!
“Microsoft”, “Windows 11 24H2” üçün işlərini davam etdirir. Şirkətin yeni yeniləməsi bir çox cihazda problemlərə yol açıb.
“Microsoft”, “Windows 11”in son versiyası olan “24H2”ni istifadəyə verməyə davam edir, lakin bəzi istifadəçilər üçün yüksəltmə zamanı maneələrlə qarşılaşılır. 17 yanvarda ümumi istifadəyə təqdim olunmasına baxmayaraq, şirkət hələ də müxtəlif uyğunluq problemlərini həll etmək üzərində işləyir.
“Geri Çağırma” və “Tıklayarak Yap” kimi “Windows 11 24H2” ilə təqdim olunan süni intellekt dəstəkli xüsusiyyətlərdən bəziləri hələlik yalnız “Windows Insider”lara xüsusi olaraq təqdim edilir. “Microsoft”, bu alətlərin daha geniş şəkildə istifadəyə verilməsi üçün konkret bir zaman cədvəli açıqlamayıb.
Bununla yanaşı, “Microsoft”, bəzi kompüterlərin “24H2” versiyasına avtomatik olaraq yüksəldilməsinin qarşısını alan müxtəlif problemləri də etiraf edib. Bu problemlər arasında avtomatik “HDR” məsələləri, səs xətaları, oyun çökmələri və bəzi cihazlarda mavi ekran kimi məsələlər yer alır.
Bu problemlərə baxmayaraq, “Microsoft”, yüksəltmə səhvi alan cihazları məcburi olaraq yüksəltməyəcəyini bildirib. Şirkət, bu problemlər tam həll olunana qədər bu sistemlərin “24H2” versiyasını almayacağını qeyd edib. Yüksəltmə üçün uyğun olan istifadəçilər isə avtomatik yeniləmə alacaq.
Rəsmi olaraq dəstəklənməyən kompüterlərə sahib istifadəçilər, “Microsoft”-un verdiyi təlimatlara əsaslanaraq “24H2” versiyasını əl ilə yükləmək imkanı əldə edəcək. Lakin bu üsul, məlumatların yedəklənməsini və addım-addım irəliləyişi tələb edən bəzi risklər daşıyır. “Microsoft”, dəstəklənməyən avadanlıqların əlavə səhvlərlə və uyğunluq problemləri ilə qarşılaşa biləcəyini də bildirib.
Nərgiz Camalzadə
15:41 18.01.2025
Oxunuş sayı: 2042
